مساء الخير لعيون الغزال الشارد المختـــــــال 
مساء النور لخدود الجمال المترف الصـــــافي
مساء المسك لانفاس الصباح ورقة الشـــــلال
مسا كل شي بك ظاهر مسا كل شي بك خــافي
مساء الاحترام وعنفوان الحب والإجــــــــــلال
مساء الشوق لاهل الذوق مساء البلسم الشافي
مسا أجزل قصيدة عدّها الرائع ابن هـــــــــذّال
مسا أغزل قصيدة قالها علّوش السنـــــــــــافي
مدحتك ماهو بكيفي ولاني بالمدح محتـــــــــال
تغزلت بغرامك لان قلبك غاية أهــــدافـــــــــي
لأنك مختلف جدا ولا تسمع حكي العــــــــــذّال
يشرفني تكون لخافقي من خير الأولافـــــــــي
كثر ما تتبع العذال طبع العيب والأنـــــــــــذال
كثر ما الذلّ نفسه يستحي من فعل الأشرافـــي
تكبلت بغرامك يا غرامي خيرة الأغـــــــــــلال
ضميتك في قصيدي ثم شربتك زود إسرافـــي
أنا أدري أن الشعر مع روعته ياسيدي ما طـال
شموخ الكبرياء اللي على عرش الحسن طافي
لكنه شي اجتاح الحنايا وبحت به بالحــــــــــال
كتبت لحسنك الساحر نثرت بحضنك الدافــــــي
ملكني قلبك الطاهر وصرت فأصبعك صلصـال
يشكلني خيالك واستجير بحسنك الوافــــــــــي
أمانة يابعد عمر القصيد المنسكب همّــــــــــال
رجيتك لاتخليني على باب العشق حافــــــــــي
أبي كلما نطقت اسمك تجازيني عليه وصــــال
أبي أشبع وصل منك إلين أصيح لك كافـــــــي
ولك مني أطرزلك من الأشعار أحلى شـــــــال
واغني في جمالك وانتقي له زين الأوصافـــي
وأصبحبك وأهني في صباحك روعة الآمـــــال
وأمسيبك وأغازل مع مسائك عطرك اللافـــــي
مساء الورد ياللي تنضرب في وصفك الأمثـــال
مســـاء من صميم الشعر لك يالكـامل الوافـــــي
abd
